探索

成日有人問四國有咩好玩,我覺得香川縣係正嘅~~

成日有人問四國有咩好玩,我覺得香川縣係正嘅~~ 自從Hkexprexx開左日本高松航線之後,多左好多人去四國旅遊!同男朋友搶到平機票去高松!最後成就呢次去「烏冬之鄉」香川縣嘅旅程!其實個時都唔知四國有咩好玩,買左機票先search到個度近瀨戶內海,睇到好多山景,仲保留左好多江戶時代建築物,成個feel都勁鄉土味道!去到靜靜地咁周圍去下好relax! 網上個個都話金刀毗羅宮要去,去到個度其實係幾有特色!呢個寺廟係供奉航海守護神的神社,爬過哂好出名嘅1368級石梯。沿途景色好古樸,參拜道周遭亦保留著許多特色遺跡,都靚嘅~~ 做過research先知好平時好出名嘅讃岐烏冬,讃岐(Sanuki)原來係四國入面香川縣的舊地名,當地有多達600間烏冬專門店!當地仲有好多烏冬學校開班教整讚岐烏冬,男朋友勁鐘意食烏冬,lur住話要學整。我地預先上網book左一間學校,朝早去到學校個度,導師就會教授傳統方法,過程入面再將麵團「先踩後打」,用哂吃奶嘅力氣咁玩,搞掂個時都有少少攰,但食落烏冬質地真係夠哂彈牙~~~其實整烏冬好講究架!每條麵條厚、寬度要介乎指定大小先叫符合讚岐烏冬「國際標準」! 呀!!講起烏冬,個度有隻好古怪嘅「烏冬雪糕」!好似係個邊獨有架!。將d雪糕一條條白色雪糕咁圍圈,個造型好係烏冬「橋」出黎咁樣,雪糕有原味,同埋好似有生薑,定鳀魚個d特別味道,我記得個時想求穩陣就叫左原味,男朋友話好食(佢乜都話好食,我覺得還可以),仲有得淋醬油,灑蔥花,又咸又甜咁,真係有少少似食緊烏冬咁=.= 我覺得係幾有創意嘅 我都幾鐘意香川縣呢個地方,遠離繁囂嘅好地方!夠靜,風景又靚(首先你要有一個識影相嘅男友which is我係無)
沒有更多公開日記